Dinsdag 18.12.18 | 17.40 uur

Aflevering 333

Black Friday

Onveurstelbaar dat tiedns allerlei discussies over ´Zwarte Piet´ dit dan weer wel mag!! Uuteraard bedoel ik de ´Black Friday´. Ie wörn er ok compleet mit dood-egooid trouwns want ie kunt gien foldertien oopn slaon of de dikke felle zwarte letters skienn oe tegemoet. Gien computer bekiekn zonder dat de black cookies flitsend terrein en beeldskarm veroovern. Dan de talloze reclame tussn de programma´s deur op de tillevisie, de grote posters op de ruutn van de winkels en et eeuwige gebler op de radio van alle slogans en winkelketens die ons laandtien lief is.

Black Friday...belachelijk!! Ik zal et niet nog zwarter of zwartgalliger maakn dan et al is, mar tjonge, laotn wi-j toch effenties gewoon doen. Wat dref ons de kop nou zo gek umme juust op zo´n dag enkelt de boel te koopn en an te skaffn wat wellicht weer helemaolt niet neudig was? Volksgekte!!

Ie kunt over de koppn loopn in de stad! Winkels overvol mit vollek, getrek en gehebberi-je. Ach ja, dat haddn wi-j toch al wel ies een keertien willn koopn, en nou mit de körtink!! Man, hol toch op, de black friday is inmiddels al verlengd weegns succes want inmiddels is et een weekend ewördn en mit nog meer kaans op verlenging op de maondag ernao. As et vollek mar kocht!

En geleuft mi-j mar…nao disse pure volks verlekkeri-je kump er heus wel weer een körtingsweekend. Onder de nuumer van sunteklaosinkoopn of karstinkoopn. Dus mensn, ie kunt oen geld heus nog wel kwiet aj de black friday niet in de geleegnheid waarn. En miskien ok mit nog wel veul meer körtink!

Mar nog effen terugge te koomn op dat ´black of zwarte´gebeurn…terreurbeweegingn, ja zowat alles wördt in warking esteld teegn onze Zwarte Piet, mar op al et aandere rust bliekbar de zeegn. Zeg nou zelf, ik nuume mar ies zo wat ´zwarte humor´. Da´s een vörm van humor die gebaseerd is op et leed van aandern mit as doel oe zölf flink te amuseern. Ok hierin liekt mi-j een deel te zittn wat overiene kump mit een negatieve holdink naor een gedielte van de maatskappi-je. Mar dat mag dan weer wel! Zo-n woord staot gewoon in de encyclopedie.

En waorumme dus een black friday en niet een blanke?? Is zo´n bewoordink niet een beetien te overtrökkn en discrimineerd veur ons´ blanke´ Nederlandse volkien?

En aj in et rood staon…gef dat weer een verteeknd beeld naor de indiaann groeperink? Net als over de rooie gaon…bliekbar ok een link dat een indiaan meestal deur et lint gaot en zich niet kan handhaavn en de boel in mekaare slat?

Liegn daj zwart zien, zwart warkn, zwart riedn, op zwart zaod zittn, et zwarte skaop weezn, op de zwarte lieste staon…man, ieuwigst wat een gediscrimineer van hier tot gunder!!

Ik kan zo nog wel uurn deurgaon mar ak echt kleur mut bekenn: waor zeikn wi-j toch over. Overal wat achter te zuukn as et biessien een kleur of een naame hef. Ik keeke van een aofstaand de intocht van Sunteklaos en et zag gelukkig ´zwart´ van de mensn en hebbe absoluut gien enkele zwartkieker ontdekt. Een vrolijk gebeurn!

Weet ie…ik geefe gruun licht, ik zie et deur een roze brille en denke dat et vaste nog wel weer goed kump mit zwarte piet. Ik zie de toekomst echt nog wel rooskleurig in. Mar et kan nou ok zo weezn da´k allennig mar een wit voetien wil haaln. Ja, zeg et mar. Ooit op een blauwe maandag toen disse column eplaatst wörde, zei Lambert van Lub...

Lambertus

reageren REAGEER | stuur door DOORSTUREN | printen PRINT | MAANDAG, 26.11.18
Vandaag:
6° | 2°
Meer weer...
Morgen:
5° | 2°



advertentie
TEKSTADVERTENTIES
Gevonden en verloren?!
www.zwartewaterland.nl
Meld, zoek en vind uw verloren en gevonden voorwerpen!
Zwartewaterland Onderneemt
www.zwartewaterland.nl
Waar kunnen we u mee helpen?

advertentie
advertentie
0.92815 s