Maandag 18.02.19 | 09.34 uur

Aflevering 337

Nederlaander vrét junkni-js!

Een gloedni-j jaor mit de allerbeste veurneemns umme ies wat aof te valln, minder junkfood te eetn. En wat doet wi-j, Nederlaanders??? Juustum: vreetn en de taandn dikke zettn in al et junkfood wat er te kriegn is op ni-jsgebied!! En wat smulln wi-j weer van al et leed en verdriet van een aander. Man, as wi-j mar evoed wördn mit sensatie en leedvermaak.

Vraog mien ni-je collega mar…die zal ongetwiefeld de hiele dag geconfronteerd wördn mit al de ellende en zogenaamde bezörgdheid van een aander. `Goh, t´is toch ok wel wat he?´ Effn stille en de aander vrag gelukkig deur over wat dan wel wat is. Ha, men hapt toe en een gesprek is van de grond…Smulln mar!!

Wi-j vreetn ons er kotsmisselijk in, begunn de dag mit een bak koffie en de kraante of facebook. Effn kiekn wat er weer te beleemn valt. Zo, zeg…tjonge…wat lees ik nou toch. Snel effn appn naor vriendtie die en die, want die wêt et vast nog niet. Zo, en daor gaon wi-j…et gevretene wördt netties edield mit mekaare. Zo bint wi-j he? Eerlijk zulln wi-j alles dieln! Zölfs junkfood, leedvermaak, sensatie. Dat döt ons namelijk goed. Een dag kan haoste niet beter begunn.

Weg, goeie veurneems…wi-j bint alweer van ons dieet aof-eweekn. Et ni-js verspreid zich als een eulievlekke via vriendn en bekendn. Et leed is alweer geskied, precies wat de bedoeligge is. En wat smulln en oezölf gelukkig priezn dat aj oezölf zo goed kunt holln ondanks et verdrietige ni-js. Dat aj echt meeleemn want ie hebt et immers er muujlijk mit en daorumme edield mit een aander. Ie hebt et van oe aof epraot. Da´s goed toch? Dat leer ie in alle therapie…praotn, dieln, er niet mit bliemn zittn.

Pulpberichtn… een geboorn term veur berichtn verspreid via de media. Berichtn die helaas et echte en dus serieuze ni-js de kop indrukkn en ok verdringn. En geleuft mi-j, et overkomt oe…ie magt wel zo stark in de skoenn staon, wi-j er nog an ontkoomn. Pulp en nepni-js …et valt gelieke op deur leemsgrote letters en angedoane foto´s. Eemn leezn, eemn kiekn en misse boel. De buit is alweer binn veur de pulpni-js sites! Want reekn mar dat die er wat an verdienn!! Elke klik op een berichien, hoe meer de meter tikt.

Smerig, maar zo gaot et. En in feite zegt men dan toch allennig mar dat er niks mankeert an de berichtgevink. Miskien iets aanders geformuleerd mar varder…En iets an aandern informeern mag toch? Vri-j meningsuutink, daor is niks an verbeudn. Ie leest et, aj toch niet hoevn te doen?

Ik las van de weeke dat iemaand een ni-j begun gaot maakn mit zien/heur ´hobby´. Ie vuult al da-k oe nou ni-jskierig maake. Mar zeg ik exact wat ik denke dan bint de poppn an et daansn. Dan beskuldig ik diegene van iets wat ik zölf in gedachtn hebbe over diens bezigheedn. Ik hebbe er zo wel mien reedn veur, mar toch…ik weete nog steeds niet of et waor is wat ik ooit eheurd hebbe. En zeg ik wat ik denke, dan is disse column gelieke junkfood veur jullie! En al hielemaole veur mien ni-je collega die gelieke mit de haandn in et haor zit mit de vraogn die op em aof-evuurd wördn over zien column-collega Lambert. Dat wi-k niet op mien geweetn emm.

Waor et harte vol van is, daor löp de mond van over… Mar ik holle toch mien mond, hoewe et mi-j op de lippn braandt!!! In een kapperszaake blondeern ze en maakn et haor lichter en mooi wit, en de buurvrouwe zwart.

Succes ermit Dicky!!! Legt er gerust nog wat story´s en privé´s neer. Ie bint er vaste geknipt veur umme alles an te heurn.

reageren REAGEER | stuur door DOORSTUREN | printen PRINT | VRIJDAG, 25.01.19
Vandaag:
12° | 2°
Meer weer...
Morgen:
12° | 0°


LIVE SPORT
BAS 1 - Olympia'28 1 1-1
FC Klazienaveen 1 - DESZ 1 4-1
Genemuiden SC - SVZW 2-3
AGENDA
  • Maandag 18.02.19
  • Dinsdag 19.02.19
  • Woensdag 20.02.19
  • Donderdag 21.02.19
  • Vrijdag 22.02.19
  • Zaterdag 23.02.19
  • Zondag 24.02.19
  • Volledige agenda...

POLL

  • Pubers en Beeldschermen! - Hoeveel schermgebruik is normaal?
 Gewoon laten gaan...
 1 tot 2 uur per dag, maar huiswerk eerst!
 Niet tijdens verjaardagen, praat gezellig mee!
 Overdag prima, maar niet na het avondeten!

MEEST GELEZEN

TEKSTADVERTENTIES
Gevonden en verloren?!
www.zwartewaterland.nl
Meld, zoek en vind uw verloren en gevonden voorwerpen!
Zwartewaterland Onderneemt
www.zwartewaterland.nl
Waar kunnen we u mee helpen?

advertentie
advertentie
0.64068 s