Dinsdag 10.12.19 | 15.21 uur

Aflevering 352

Knol: Mag ik effn rondkiekn?

Ik telle al aordig in de jaorn mar zit gelukkig nog niet op de tachtig! En ik woone gelukkig ok niet in Gellemuudn. Een betere anhef konk zo gauw niet verzinn…

In ieder geval: ik kriege dit najaor teminste gien uitneudigingsbrief! En laot ik effn wel weezn…ik zitte daor ok niet op te wachtn!! Kriegt nou wat…een mense over de vloere die uut zal maakn of mien persoonlijke situatie nog wel vertrouwd is. Want daor kump et zo’n beetien op neer. Of ik nog wel kan functioneern naor beheurn, of ik wel trouw mien medicienn inneeme en of mien gezondheid er nog wel mit deur kan. Nou, ik mut gien mense die dit alles kump controleern! Ik bin verduld gien klein kiend!! Dacht ie nou warkelijk dat zo’n iemaand mi-j de les kan leezn? Ik maake zölf wel uut of alles vertrouwd is mit mi-j. Zolaank ik nog steeds keurig mien belastink betaale, mien geld naor Zwartewaterlaand aofdraage an veuls en veuls teveule onkostn…dan hef Lambert ze heus nog wel op een reigien. Ik doe net as ieder aandere mien plichtn dus ik hebbe zo ok mien rechtn!! En daormit kank gerust zo’n mense weer de deure wiezn teegn de tied as ik de tachtig passeere. Miskien kump et wat langzaam mar da’s mit alle goeie dingn zo. Lambert red zich merakels best!!

Asof er al niet genog hen en weer ejakkert wördt mit dat karregien van IJsselheem! Man, de stikstof wolkn vliegn mi-j elke dag tegemoet ak weer zo’n tuuszörgverplegertien zie ankoomn. Dam op, dam aof, straote in, straote uut. En dat tig keer per dag.

En dan gaon ze nou nog een extra actie bedenkn umme alle tachtigjaorign ok mar ies te bezuukn. Asof zie niks aanders te doen hebbn. Gaot toch asteblief ant wark!! As mensn zich niet meldn, dan ist goed ja!! Iets op veurzörg al gaon bedenkn en controleern aof et echt wel goed gaot…tja, da’s een beetien haver in de bek van et peerd leggn.

“Gaot et echt wel goed mit oe, Lambert?? Neem ie keurig oen medicienties in? Mag ik effn rondkiekn of ik verbörgn probleemn kan signaleern?? Miskien kan ik preventief toch iets al ontdekkn wat aj zölf nog niet in de gaatn emm”. Gunst nog an toe, da’s toch wel lekker bedacht van die wetholder Knol. Lekkere gasterd! Denk ie nou echt dat iemaand ok mar zo’n formuliertien in gaot vulln? Umme zichzölf te laotn betutteln en wellicht et trusthuus in lat praotn?? Wi-j woont op onszölf en wi-j red ons prima, meneer Knol! Daor hoevn wi-j gien antwoordstrookies veur in te vulln. Zunde van et pepier, zunde van zo’n verpleegstertien of wijkdame zien tied en zunde van de stikstof! Wi-j doet hier niet an mit, wi-j hebt wel betere dingn te doen dan zo’n mense et hele huus en inboedel te laotn sjown. Zie kan dan wel tied emm, mar wi-j totaal niet! Kom nou toch, bedenk ies wat aanders dat dit!! De sticker an de deure wördt alsmaar langer:

Gien huus an huusreclame, gien colporteurs, gien jehova’s en gien wiekverpleegkundign.

Oftewel gien gezeur an de deur!! En bekeerd bint wi-j ok al.

Was gezegd, Lambert

reageren REAGEER | stuur door DOORSTUREN | printen PRINT | WOENSDAG, 13.11.19
Vandaag:
8° | 7°
Meer weer...
Morgen:
5° | 4°


TEKSTADVERTENTIES
Gevonden en verloren?!
www.zwartewaterland.nl
Meld, zoek en vind uw verloren en gevonden voorwerpen!
Zwartewaterland Onderneemt
www.zwartewaterland.nl
Waar kunnen we u mee helpen?

advertentie
advertentie
0.34657 s