Woensdag 13.11.19 | 10.43 uur

Aflevering 350

Gemientehuus an de Handelskade

Ienigszins dieptriest…die vertonink an de Handelskade disse weeke! Et tafereeltien had muttn liekn op 16 april 1945 toen de burgemeester de bevri-jdink van Zwartsluus mitdeelde an et vollek. Nou, nou…ik zaage mar ien enkele vergelieking en dat was et armetierige uuterlijk van et balkon van et veurmalige gemientehuus. Kreege gelieke de indruk dat er inderdaod weinig geld umhaandn was umme een gebouw netties te onderholdn. Er hing dan nog een sober wittig lieknd gedieniggien mar dat was dan ok alles. En op et balkonnegien een op commando zweinde burgervader. Ach, zo veurgeprogrammeerd as wat. Kienderties op de kade mit een vlaggien die Bilder mossn toezwei-jn zodra de fotograaf dr an toe was. Kreege bijna de traann in de oogn mar dan niet van ontroerink!!

Gelukkig kuj teegnswoordig nogal veule bewarkn an foto’s dus gien enkel probleem umme er een mooi fraai plaattien van te maakn. Veur et noageslacht een prachtig anskouwelijk moment zeg mar.

Et gemientehuus er in de loop van de jaorn niet beter op e-wördn en binnkört zulln de vollnde ‘probeerders’ et gaon uuttestn hoelaank zie et volholln. Blef toch steeds weer een uutdagink bliekbar! Ik lusse gien sushi dus zie zult van mi-j niet arrug rieke wördn. Ik bin van de eerpels, gruunte en een stuk vleis. Klodder sju erover en mi-j heure niet meer. Die buutnlaandse toestaandn op een börd is an mi-j niet besteedt.

Barre jammer dat zo’n pand ummetoverd mut wördn tot een restaurant. De hiele waardigheid gaot zo verleurn! Dat was dan ok wel te zien toen Bilder een beetien mistroostig op et balkon plichtmatig stund te zwei-jn. As een boer mit koezepiene. ‘Ik stao hier wel’ mar meer te kiek dan as eerbetoon.

Mar ja, de boel bi-jholdn en opknappn da’s an de Sluus niet besteedt he? Da’s meer veur Gellemuudn, et overzeese gedielte van Zwartewaterlaand. Daor wördt ieder dubbeltien naortoe esluisd umme alles keurig netties te laotn oogn. Stel dat daor Bilder op et gemientehuus had estaon!! Man, de hele toko zul ann-epakt wördn. Zuuvere witte gesteemn gedienn van eegn atelier. Een strak gevarfd kozien, een joviaal enthousiast wuumde burgervader. Een totaal plaattien!! Umme te smulln veur de pars…

En daorumme stêk mi-j dat berichien van Gellemuudn zo: een gruuner karakter veur dat ieuwige immer altied betere stadtien!! Zie kriegt et er altied veur mekaare dat de centn daor naor toe gaon. Ronduut belachelijk wat zie altied weetn te bedenkn, warkelijk…kan er mit de kop niet bi-j!! Gellemuudn te warm deur te weinig gruun veurzienink…asteblief da’s nog ies een argument, niet dan??? Gut, gut, dat neemt wi-j serieus. Hoppa, 400 ton veur disse argumentatie. Knapt de boel mar lekker op daor. Wi-j neemt wel weer genoegn mit een haveloose paandn, brokkelig wegdek, et weet ik wat nog meer veur achterstallig onderhold. Tuurlijk…Gellemuudn hef veurraank, stel dat de boel daor teveule opwarmt!! As ter momenteel ientien zich teveule opwarmt, dan bin ik dat wel. Ik kooke erover namelijk! Stao op kookpunt van ontploffn!!

Dachte dat Gellemuudn er altied ‘warmpies’ bi-j wol zittn, en nou is dat et geval en dan muttn zie weer aofkoeln. Ze bint daor hartstikke verstiend, ja dat mu-k dan wel weer toegeemn. Et eerste waorin ik et verrekte mee iens binne! Stien en bien klaagn, dat is t! En meer niet…

Mar ja, wie ben ik…een kei in de waorheid onder oogn zien. Af en toe mag de waorheid wel ies ezegd wördn toch? Et lag mi-j ok as een zwaore stien op de maage. Lucht in ieder geval op! Eer ak onder de ni-j angelegde gruune zoodn koome te liggn kuj er een overgebleemn stien op plaatsn mit bi-jpassnde tekst: Hier ligt Lambert, mit zien (graf)stien des aanstoots.

reageren REAGEER | stuur door DOORSTUREN | printen PRINT | DONDERDAG, 10.10.19
Vandaag:
6° | 1°
Meer weer...
Morgen:
6° | 0°


AGENDA
TEKSTADVERTENTIES
Gevonden en verloren?!
www.zwartewaterland.nl
Meld, zoek en vind uw verloren en gevonden voorwerpen!
Zwartewaterland Onderneemt
www.zwartewaterland.nl
Waar kunnen we u mee helpen?

advertentie
advertentie
0.31503 s