Vrijdag 03.04.20 | 19.08 uur

Aflevering 360

Typisch Zwarte Water!

Nou…ok weer een gigantisch succes, of niet dan dat programma over Typisch Zwarte Water!! Echt weer een geweldige reclame veur ons. Tjonge, ik hadde et mit twee aofleveringn al helemaol bekeekn. Vreselijk… wi-j staon er weer gekleurd op, wi-j staon gewoon te kiek as zeer simpel vollek. Wat een publiciteit en reclame weer veur Zwartewaterlaand. Kan er ok nog wel bi-j nao et gemiente incident van veurgaonde weekn. Et kan gewoon niet op: wat een spullegien hier in disse regio!!

Ik weet et, ik bin gien haor beter mar toch nog wel zodanig verstaandig in de kop umme mi-j niet veur zo’n programma te lienn. Dat ik skriefe hoe ak er over denke is dunkt mi-j al wel genog. En dat blef binn de grenzn van de gemiente. Dat is een beetien veur de inwoners alhiero. Dat lès een buutn de regio woonende niet zo gauw. En dit programma is op de Nederlaandse zender dus veur iederiene, niet zozeer allennig in Zwartewaterlaand!!

Eerst ha-k er veule aordigheide an umme te gaon kiekn. Goh, wat een eer umme op de tillevisie te koomn mit onze mooie dörpies en water en inwoners. Leek mi-j boeind umme te zien hoe fraai ze de natuur zolln laotn zien. En tja, toen kwaamn er een paar inwoners in beeld die nou niet helemaole an de ‘gemiddelde inwoner’ voldoen. Merakel biezundere mensn, asof dat onze gehele gemienskap verteegnwoordigt. En op zich mooie biezundere mensn, ieder mit zien karakteristieke talentn mar umme nou drie weekn laank te muttn kiekn naor een boertien op zien stoel die et mar hef over Carola Schouten…daor zit weinig leemn in. Een keertien loopnde van stoel naor taofel en terugge…da’s niet echt bar interessant toch? D’r zit dan nog eemn een kleine oplevink in dat de foto van Carola kwiet is en dat het spannd wördt waor die ebleemn is. Een soort detective achtige wendink…mar helaas naor een vollnd kraanteknipsel mit opni-j een foto van Carola erin is de aordigheid daor ok al weer aof.

Dan kump ons Buusmanblikkien-jager in beeld. Ok daor is nao twee aofleveringn de lol al van aof. Op zuuk naor een blikkien en dat blef mar zuukn en zuukn. Dat weet ik dan nao twee keer ok welweer, wat zeg ik??? Nao ien keer al wel!! Zit toch ok totaal gien boei-jnd element in? Mak mi-j et nou uut of een blikkien er nou wel of niet ooit ewest is. Umme daor drie weekn veur in een programma te muttn zittn…dan bi-j toch wel een beetien mesjogge toch? Ik heb er dus effn een ‘blik’ op-ewarpt umme et mar zo te zeggn en dat was wel weer meer dan genog!! Kant varder gien blik weerdig keurn.

Dan ons Theo!! Goedlachse vriend veur alleman. Begaon mit de vluchtelingn, op zich een fantastische man die zich zo bezighold mit die mensn! Dat maakte de aofleverink iniens weer gezellig!! Die kienderties die an et skildern waarn, dat deed hi-j dan toch mar weer!! Mit hun plezier maakn en lekker ankloddern en an moddern. Veur de rest is miskien een skoonmaakbeurte niet verkeerd, zowel in de kas as et kapsel. Mar goed, dat is persoonlijk netuurlijk. Ok daor zit weer een verhaal achter, want niet iederiene wet dat hi-j zien haor spaart veur kiender die an kanker hun haor verliezn en een pruik neudig emm. Mar oke, een shampoogien erdeur zol aof en toe niet verkeerd weezn.

En over et stellegien in Gellemuudn dan mar te zwiegn. Jeetje, wat een allemachtige zooi!! Ie kunt oe de konte niet keern in et huus zonder de bende umme te gooi-jn toch? Laot staon een stofzoeger erdeur te kriegn waor madam er lekker bi-j blef zittn en manlief an et wark mag. Zal wel Gellemuudigere emancipatie weezn. Wat mut een mense toch mit zoveule troep? En buutn is et nog arger dan binn! Ik fietse er geregeld laangs ak effn wat spul mut haaln bi-j de action veur Lub. Toch altied weer een tikkeltien goedkoper dan de boni mit skoonmaakspul en waspoeier. In ieder geval, mak ok niet uut waorumme ak daor fietse, et is er gewoon een gigantische zooi en elke dag kump er weer ni-je anvoer bi-j. Hoe vien ie elkaare denk ik dan. Hoe kan et daj mekaare er beide zo in betrekkn umme oen huus zo te kiek te zettn en vervolns dan ok te kiek in heel Nederlaand. Mensnmina, dan laot ie oe toch wel kenn he??

Dus Lambert kek mar niet meer, kieke wel gewoon weer naor netuurprogramma’s. Dan zie-k teminste ok vremde vogels mar die bint dan wel verantwoord in de netuur en ien mit de netuur. Dat kaank van disse personages nog niet zo zeggn. As de kiekciefers dus daaln…dan kump et deur mi-j. Typisch Zwarte Water hè: gelieke de menink klaor en oordeeln. Za-k wel eleerd emm van de gemiente mit hun gedoe…verkeerd veurbeeld döt verkeerd volgn.

Lambert.

reageren REAGEER | stuur door DOORSTUREN | printen PRINT | DINSDAG, 18.02.20
Hallo Lambert,
Wat een *** ben jij, Ik had nog nooit van het zwarte water gehoord.
Toch kijk ik met genoegen naar deze serie.
Maar uit jou schrijven kan ik lezen dat jij het beter kan en kijk ik uit naar het vervolg van deze serie met jou in de hoofdrol.
H. van Rijn | Roelofarendsveen | ZATERDAG, 22.02.20 | 18.06 UUR | Kwetsend of ongepast?
Dag Lambert,

Leuk geschreven hoor, om de boel zo af te ***.
Typisch een Sluiziger, zou ik zeggen.
De beste stuurlui staan aan wal.
Doe zelf eens iets nuttigs om je omgeving te promoten.
Ik heb zelf ervaren wat een moeite het kostte om de expositie "Een blik op Buisman" in Sluuspoort, samen met Freek, op te zetten en te verlengen.
Sluuspoort kan nog wel wat vrijwilligers gebruiken.....

Hartelijke groeten van Johan Spek uit Anna Paulowna.

Johan Spek | Anna Paulowna | ZATERDAG, 22.02.20 | 14.34 UUR | Kwetsend of ongepast?
Vandaag:
9° | 1°
Meer weer...
Morgen:
8° | 2°



advertentie
AGENDA
  • Vrijdag 03.04.20
  • Zaterdag 04.04.20
  • Zondag 05.04.20
  • Maandag 06.04.20
  • Dinsdag 07.04.20
  • Woensdag 08.04.20
  • Donderdag 09.04.20
  • Volledige agenda...
TEKSTADVERTENTIES
Gevonden en verloren?!
www.zwartewaterland.nl
Meld, zoek en vind uw verloren en gevonden voorwerpen!
Zwartewaterland Onderneemt
www.zwartewaterland.nl
Waar kunnen we u mee helpen?
Gemeente Zwartewaterland
www.zwartewaterland.nl
Informatie voor burgers en ondernemers over het coronavirus

advertentie
advertentie
0.3885 s